Ekore e tika kia noho he Maori rawakore ki tenei whenua; ehara tenei i te mea e ora ai tatou e tika ai ranei ratou. E mea ana tatou kia noho te Maori i runga i te rangimarie penei me tatou, a e ki ana ahau mehemea tera tetahi iwi i whiwhi nui ki te whenua kua kite ratou kei to mawehe atu o ratou whenua i a ratou, e tika ana ano kia pouri ratou. 

Ko te utu mo te Waka, Maori i te tau ka te 10s., he mea utu ki mua. Ka tukuna atu i te meera ki te tangata e hiahia ana me ka tukua mai e ia aua moni ki te Kai Tuhi ki Poneke nei. Kua tonoa te Paremete e te Kawana kia hui mai i te 2 o nga haora o te awatea o te Taitei, te 15 o Hune, ki te mahi i nga mahi o te motu.

Ta ratou kupu i reira ko te whenua kia whakawakia kia hokona, kia watea ratou i nga raruraru e homai ana e etahi iwi ki a ratou. He nui rapea nga korero mo nga rori, mo nga ruritanga hoki, mo te aha atu; otira ko te tino kupu tena, ko te whakawa, ko te hoko. 

E ngari me tino mohio ano te Muera ma ki nga ture he mea ia i hangaia hei painga hei oranga mo te katoa. Heoi te tikanga pai mo ratou, mo te Muera ma, ara " ko ta ratou e pai ana kia meatia mai e te tangata ki a ratou, koia ano tena ka meatia e ratou ki te tangata," a hei reira kitea ai e hara te ture i te mea whakamate i a ratou, engari he mea hapai he mea whakaora i a ratou i runga i te ara pera me nga tikanga pera.